Ilocano Essays : Semana Santa

semana santa...tinawen a laglagipen saan laeng iti pagilian a Pilipinas no di ket ti sibubukel a lubong....

Daytoy di kanito a ti KANGATUAN ket nagbalin a KABABAAN,,,, nga ti AMO ket ngabalin nga ADIPEN.... panawen nga NALAKSID ti ayuyang nga nain gloria an ket NASUONG ti salimuot ti nasipnget ken naulpit a lubong.....

Manipud iti tapok ti daga, sika ken siak nadamili babaen kadagiti managayat a dakulap ti Apo a Namarsua....Idinton a sika ken siak ket naobra ti DIOS immesem ket kinuna...."ti anges ko ipaay ko kenka tapnon agbalin ka a naan-anay a parsua.....Ti Dios minatmatan na ta, napalaus nga ragsak a maimatangan na ti tunpal "obra maestra" na, ket kinuna na manen.."agpaadu kay koma"

Kadaiti isu amin a pinarsua ti DIOS sika ken siak ti naidaddaduma...asi ken ayat na kadata isu da't nangyalikaka ....Hardin ti Eden impatakder na, impaay na a pagtaengan ta...
Kadagiti taraon ti kinawadwad awan pumada, ta ti dameg ti daga umasping linnaw ti agsapa. Litnaw ti danum kadagiti karayan palalo pay kristal kaarig na, kadagiti kaunggan da, balitoc, onix ken bedelio agkakapateg a batbato inta makita.

Ngem ti kabusor inyubra na ti kinasiasinno na, kinatuso ken panangallilaw napanna indasar sanguananta…

Babaen kadagiti kinasam-it a sarsarita, sika ken siak naallukoy a lumabsing iti Apo a Namarsua…inta tinaraon bunga nga imparit na…..

Ti pungtot ti Dios ket rimsua gapu’t BASOL naaramid ta…ket kinuna……tungpal biag pagbiagan pagrigatanyo. Ket idinto a tapok naggapuanyo ti isunto met a sumubli kayto…

Numanpay no kasta ti ayat ti DIOS impaduyakyak na idi isuna nangaramid pagananay a lalat inkawes na kadata.….

Mnipud idin bileg ti basol ti tao inadipenna, rirbok nagraira awanen ingga na, dagiti tao kinakillo sapsapulenda…awan…awanen iti kinalinteg mangilala…
.
Ket ti tao immadu kas pagayatan Apo a Namrsua….ket dagiti paglintegan inyetnag na amin ida tapnon ti tao magutigot panagtulnog na…panagidaton kadagit dingwen maipaay tapnon mapakawan ti tao kadaiti nagbasolan da…

Amin dagitoy awan nagbanaganna, ti tao kaykayat na't inaramid na, panagsulingasing iti DIOS a namarsua di namingga ket ti rungsot ti DIOS manen niriing na.

Babaen ti dakkel a layos ni Apo DIOS dinalusan na ti daga… ngem ugali ti tao saan a nagressa…basol inar-arakup na naipangpangruna diyay Sodoma ken Gomorah….ket ti Apo a Namarsua ti apoy ken azupre pinagtudo na tapnon ipakita na no kasano’t pananggura na iti basol nga agraraira…

Laksid dagitoy a pasamak ti Apo a Namarsua saan nga nauma…Panagayat na’t pinarsua na nagpannuray Kenkuana agsipud dagiti sumagmamano kinalinteg nagtakderan da…

Ket ti DIOS kinuna na, panagidaton dara dagiti dingwen saan a maikanada, ti tao dina maiturong ida….ngem no ti naidaton ket DARA nga awan basol na, nadalus ken bendito awan mantsa na….nabileg to a mangiwanwan kadakuada….

Ti Anak ti Dios nga maymaysa, ni Jesu Cristo kinuna na…”AMA, ipaay nak koma a daton kadagiti tao a pinarsua ta….ipaaymo ta siak mangsubbot kadagiti basbasol da…

Ket ni Jesu-Cristo nga Apo, dayag ti langit pinanawanna, simrek ditoy nasipnget daga napnuan salimuot na….

Iti kaadda na ditoy rabaw ti daga…sao ti DIOS inkaskasaba na….ngem dagiti simmupiat kastiyonay kaarway da….ket isu na pinarparigat da, babaen kadagit saplit lasag ti bagina lekkaben na….pannakairurumenna awan kaasping na, tungpa ken tupra amin dagitoy sinagrap na…sisiitan a korona iti ulo na immegmeg da ket dagiti siit iti utek na simrekda….kasta metten krus a pakailansaanna impabaklay da kenkuana ingana’t diyay bantay ti kalbaryo a panungpalanna…

Ket iti pannakabayubay na iti krus ti panagayat na ti tao saan a namingga ket kinuna “AMA pakawanem ida ta dida ammo ti ar-aramiden da…Idinton nga ISU na nagsetanen iti anges na dagiti soldado ti bakrang ni JESUS dinuyok da kas panigurado pannakatay na…ket ti DARA ni JESUS nasantuan ken nadalus pimmarukpok da.

Ti DIOS dina mataliaw ti Anakna….ti rupa na inlenged na ta dina mamatmatan kinnadakkel basol ti lubong a naipandag ti ing-ingungutenne na nga Anak na.

Ket sibubukel a lubong nilikmutan ni sipnget, ket ni JESUS kinuna na…”NALPASEN”

Wen kabsat…nalpasen, nalpasen dagiti aldaw nga ti basol ket agraira iti biagmo…nalpasen daiti kanito a sika binalod sairo…babaen ti pannakatay ni Apo JESU-CRISTO maparuk-atan kanto no ISUNA AWATEM KAS MANNUBOT KEN MANGISALAKAN MO…diyay DARA na a pimmarukpok dalusanna kanto…

Ta iti maikatlo nga aldaw rimmuk-at ISU na manipud kadagiti PATAY…tapno sika ken siak babaen iti panagungar na nagun-od ta biag awan patingga na…

SEMANA SANTA…..para kenka kabsat…ana’t bugas na….